Монголбанк бодлогын хүүгээ дахин 1,25 нэгж хувиар бууруулж , 2009 оны 6 дугаар сарын 12-ны өдрөөс жилийн 11,5 хувь байхаар тогтоолоо. Ингэснээр төв банкны санхүүжилтийн хүүнүүд нэгэн адил 1,25 нэгж хувиар буурна инфляци үргэлжлэн буурч, төгрөгийн гадаад вальюттай харьцах ханш тогтвортой байгаа нь мөнгөний бодлогыг зөөлрүүлэх боломжийг бүрдүүлж байна.

          2009 оны 6 дугаар сарын 25-ны өдөр АНУ-ын Худалдааны яамнаас мэдээлснээр 2008 оны IY улиралд 6.3 хувиар хумигдаад байсан АНУ-ын эдийн засаг 2009 оны эхний улиралд 5.5 хувиар хумигдсан нь тус улсын Засгийн газраас авч буй арга хэмжээнүүд үр дүнгээ өгч, эдийн засгийн хямрал саарч эхэлж байгааг илтгэж байна.

          УИХ-ын дарга Д.Дэмбэрэл Монголбанкны 85 жилийн ойн баярт оролцохоор манай оронд хүрэлцэн ирсэн Францын Төв банкны ерөнхийлөгч Кристиан Ноёр, Японы Төв банкны дэд ерөнхийлөгч Хирохира Ямагучи нарыг өчигдөр хүлээн авч уулзсан байна.

         Төвийн эрчим хүчний системийг нүүрсээр хангадаг Багануур, Шивээ-Овоогийн уурхай нүүрсний үнээ энэ сарын нэгнээс тонн тутамд 4000 төгрөгөөр нэмэх гэж байгааг АМГ-ын дарга Д.Батхуяг даваа гарагт хэлж байсан ч өчигдрийн байдлаар нэмэгдээгүй байв.

          Шатахууны үнэ сарын дотор 130 төгрөгөөр нэмэгдлээ. Өмнө нь төрөл бүрдээ 50 төгрөгөөр нэмэгдсэн. Тэгвэл өчигдөр литр тутамд 80 төгрөгөөр өсч, шатахууны үнэ дөрвөн оронтой тооны босгыг давлаа. Үнэ нэмэгдсэн шалтгааныг хилийн үнэ өссөнтэй холбон тайлбарлаж байна.